الأحد، 16 يناير 2011

المكالمة الاخيرة لزين الهاربين بن علي


قالت الاخبار ان محمود عباس كان اخر رئيس يهاتف الطاغية  زين العابدين ليطمان على وضعه في بتونس وذلك قبل ان يهرب الى جهة غير معلومة ...



واليكم ما جرى من حديث بينهم حسب توقع اخوكم  رجل شارع !!! .
-----------------------------------------------------------


عباس : الو مرحبا .

زين : هلا مرحبتين . مين معاي

عباس : ابو مازن رئيس دولة فلسطين .

زين : اه رئيس السلطة الفلسطينية تقصد. كيفك ابو العبس زمان عنك .

عباس : اللي هو يا ابو الزوز .. على كلن انا زعلان منك ومخاصيك .

زين : ليش يا اخوي ؟.

عباس : هيك يا رجل بتطردوا سهى وبتسحبوا الجنسية منها .

زين : ايييييييه والله يا اخو هذي المدام موش انا .. .

عباس : له يا رجل .

زين : ما انت عارف المدام حلاقة وحبت تحلقلها بعد ما لطشوا فلوسها هي واخوها .

عباس : اه فلوس المنظمة الخمسين مليون!!!.. على كلن مش وقته كيف الوضع عندك .

زين : والله يا عبس الوضع خطير عندي وخصوصا انه الجزيره حاطه ضدي .

عباس : اه ه ه انت حاتكيلي ما انا عارفها الجزيرة...... خلوا الي مايشتري يتفرج علينا وقت تقرير زفت استون. خلص حط لوحات بالشارع وقول ان الجزيرة اشتروها اليهود ..

زين :  القصة اكبر من هيك !!! الشارع بغلي غلي عندي ولازم نلاقي حل يا خوي .


عباس: احسن شي خلي الامن عندك اذا بشوف متظاهر يطخو يقتلوا منيح هيك .

زين : والله يا رجل الشباب عندي مش مقصرة صرنا قاتلين سبعين والناس مش بتهدى.

عباس : اسمع عندي هون جيش بسد عين الشمس . اذا ببعتلك اياهم .. شعبك ما بياخذ معهم غلوة .

زين : اهههه هم يضحك وهم يبكي يا ابو العبس !!!

عباس : شو بتقصد زيزو؟ .

زين : بلاش فضايح ما احنا شفناهم بالملابس الداخلية بغزة ....

عباس : ما انت عارف الانقلابية كان معهم خبراء نوويين من ايران ...

زين : يارجل هذا الكلام بتحكيه للعبط مش الي ....

عباس : طب خلص خلص فضك من هالسيرة .. شو ناوي تسوي ؟

زين : لو انت محلي شو بتسوي يا رجل ؟

عباس : بسيطة أنا بضلني خالع على تل ابيب !!!!!!!!

زين : مبصحش سوي هيك .. هيك بطلع مش بس ظالم  ,وكمان خاين !!!

عباس : يا زلمة مين سائل كلنا مصفيين ... بمزبلة التاريخ ... تعال عندي بعطيك احلى لجوء .... وبنصير نلعب انا وانت شده ... وبفتح للمدام صالون حلاقة لاني ناوي احلق لصديقي دحلان .

زين : والله سمعنا رام الله حلوة فكرة جيدة هلا بجيك .

عباس : استنى استنى ...... وين هلا تجيني ؟؟؟.. مش بس اول اخذ اذن الاسرائيليين ويعطوني تصريح الك .

زين : وقديش بده التصريح ياسيادة رئيس دولة فلسطين العظمى لتاخده .

عباس : بس اسبوع .

زين : بس اسبوع ......؟؟؟؟؟؟؟ لااااااا بسيطة ...عا هيك بجيك بكياس لحمة مفرومة !!! . خلاص بلاش منه التصريح بطلع فرنسا .

عباس : ههههه هي شواربي .

زين : شو قصدك .

عباس : لا ولا شي بس ساركوزي ندل من يومه ما انت عارف بياخدونا لحم وبيرمونا عظم .

زين : عباس حبيبي شكل الشعب قرب يوصلي خلص لازم اهرب هلقيت بس بنحب نوصيك تحكي لمبارك ما يضحك علي .. الدور الجاي عليه . يالله عالسلامة. تيت تيت تيت .

عباس : معقول !!!!!!!! طب مين بعد مبارك ؟ ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 

ليست هناك تعليقات:

إرسال تعليق